|
| 今日, 12月28日... 病左兩日... 腸胃炎 星期日仲要去打波, 其實凌晨已經嘔左3次... 最後打唔夠兩粒鐘, 就返左屋企... 於食藥, 白粥, 麥皮, 清水, 暈眩, 睡眠, 床舖中渡過... 推掉打邊爐活動, 抱歉 今日都算冇事... 但頭依然痛 應該瘦左幾個碼, 對於食極唔肥男士而言, 會是很難受 幸好未返學, 1月9日就放成績, 10號前又要交學費... 呢兩日, 辛苦兩位大人, 幫我煲粥, 照顧我... 要快點好番 | | |
| 已經是12月26日 為何, 我只可在夢中見到你, 你的笑容, 你的聲音... 為何, 今天也是自己獨個兒過... 為何, 湖人跟金塊都輸波... 為何, 一天會是這麼的長... 為何, 有那麼多時間, 卻寫得那麼少... 因為, 一直都沉思著答案... | | |
| 今日, 12月25日... 聖誕節~普世歡騰 7點就起身...陪一家人同fd去川龍飲茶兼行山 
阿爸捉左好多魚呀...蝦呀...仲有其他生物...俾女仔見到, 很怕吧... 1點就返到荃灣...於荃廣旁一間新店食埋野 返屋企休息陣, 上網, 唔記得左行完山返黎時仲買左頂冷帽, 仲一物三用, 頸巾, 頭巾...抵買 好快又出左去行街...其實係諗唔到野做 又買左風褸... 夜晚大食會, 好多野食...去唔到聚會, 唯有用呢一餐補償啦~ 
介紹(由後到前) : 意大利粉, 粟米, 西蘭花蘑菇, 腸仔, 雞翼, 壽司, 薄餅~ 阿爸真係好厲害! 我覺得, 今日很少聖誕氣氛...又或者, 放假已令我忘記時間的流逝及重要 放大假冇功課, 很不習慣~ 隻腳再次包到實一實, 換來沖涼時的不便... 聽日又要諗節目...又唔使再買野...點算... 今日, 於一格抽屜中, 找到遺失的片段與回憶...傷心也好, 尷尬也好, 我以後也會好好安置這段回憶...  睇左, 不禁笑起來, 這是我 差不多已忘記大部分小學生活... | | |
| 放假第二日 今日, 早左起身, 早左出門, 見第一份partime job 介紹得很快, 又話要先做兩日Training, 先再決定工作分配...又講薪金係累積計...勤力d做多幾個job就多d錢...又話要捱, 可能做到凌晨... 好彩只係旺角 其實幾驚被騙... 博一博 見完工, 返家自己食飯, 上網, 訓覺, 好快4點.. 陪fd出街行, 有收穫, 風褸一件, 多謝! 夜晚入深井, 4個後生仔女打邊爐, 打機, 見到舊同學哦~世界真係細 平安夜, Training中渡過 ; 聖誕節, Training霸左一個下午, 所以去唔到7B同學會啦~ I'm so sorry... 今日好似做左很多野, 但有好多未做...剪髮...睇跌打...等等... 人累了 | | |
| 今日, 12月22日... 放假第一日, 確實冇野做, 亦如平常般, 一朝早得番我一個人在家... 主動做家務, 好像是唯一有意義的事 下午, 收到急電, 叫我去接爺爺出院... 有點手忙腳亂, 總算回到他家 這一刻, 忽然見到他身上傷口又再滲血... 替他清理傷口, 難掩心中傷痛之情... 血色再可怕, 也不夠病痛恐怖 就這樣安頓兩老後, 很快就走了... 路上, 很想哭 原本, 今日做節, 預左兩位老人...... 病痛, 令人犧牲很多, 自己也成為不肖孫... 我腳上的扭傷算是什麼...失去戀愛機會算是什麼... 今個聖誕, 只想他們健健康康 I Love Both of You | | |
|
